
...
لەدوای کۆدەتای ١٤ تەموز(وەسفی تاهیرو عەبدولکەریم قاسم )، لە سەردانێکیان دا بۆ بنکەی پۆلیسی کەرخ ، کاتێک نوێنەری کۆمپانیای (C.A.T Group )* لوبنانی بیناسازی دێن بۆلایان و داوای قیستی خانوەکەی (نوری سەعید) یان لێ ئەکەن ؛
لەو کاتەی دا (نەجم مورشیدی) پۆلیسی نیگابانی تایبەتی (نوری سەعید) لە گرتوخانەی کەرخ زیندانی ئەبێت ، بەو جۆرە چیرۆکی خانوە نوێکەی( نوری سەعید) بۆ (کەریم قاسم و وەسفی تاهیر) ئەگێڕیتەوە :
جارێک باشتوجار (عەبدولهادی چەلەبی)، لەگەڵ هەندێک برادەری تری نوری پاشا داوای لێ ئەکەن ، با ئیتر خانویەکی نوێ دروست بکات، شایستە بێت بە پلەو پایەی ناوچەیی و نیو دەوڵەتی نوری پاشا و بشێت بۆ سەردان و چاوپێکەوتنی میوانە باڵاو پایەدارەکانی ...
پاشا ئەلێت:
ئێوە بازرگانن و لەخۆتانەوە ئەڕوانن ، من کارگوزارێکم و موچەم دیاریکراوە ، ئەو پارەو پولە لەکو ێ بێنم ..؟!
هادی چەلەبی ئەلێت :
دەی پاشا ئەرزەکەی لەسەر من و دورست کردنی بیناکەش لەسەر کومپانای (کاتی بیناسازی لوبنانی) بە قستی ٥٠ دیناری مانگانە ئەنجام دێت .
بەوجۆرە (نوری سەعید) ڕازی بو خانوەکەی لە ناوچەی (کەرادە مریەم) پێ ساز بکات..
نەجم مورشیدی لە بەردەوامی گێرانەوەکەی دا ، ئەلێت :
عەبدولکەریم ، کاتێک بۆ حیکایەتی خانوەکەی پاشا گوێی لەمن گرت بو ، لای کردەوە بەلای (وەسفی تاهیر) دا و گوتی:
ــ (وەسفی وامان ئەزانی سامان و گەنجینەی دەولەت لە بن دەستی (نوری سەعید) ایە ...وەسفی ! ئێمەیان خەلەتاندو لایان بۆ شل کردین شۆڕش بەرپاکەین و نوری سەعیدیان بۆ بەکۆتایی کەین ...وەسفی ئەوەتا ئەوەمان بەجێ گەیاندون ، ئیتربەچی ئەگەین ، ئەبینیت یەک بەدوای یەکا هەمومان ئەکوژن ، نەگبەتی ئێمە لێرەوە دەستی پێ کردوە ...)
ئامادەکردن و کورت کردنەوەی//
حەمەسەعی باپیر
٥/٤/٢٠٢٢ سلێمانی
لەسەرچاوەی
وتارێک بەناوی نوسەر هادی ناصر سعید الباقر لە پێگەی (الحوار المتمدن ــ٢٤ /١/٢٠١٦)..
(*)..تیبینی//
کۆمپانای بیناسازی لوبنانی (C.A.T Group )
...زوربەی ساختمانەکانی ئەوکاتی سەردەمی پاشایەتی لە عیراق کۆنتراکت کردبو نوسینەگەیەکی لەبەغدا هەبو ..